10-09-2006, 15:48
|
#1 |
|
مستشار (فضي)
|  ,.:":., ســائــلــونــي ,.:":.,
أتمنى تعجبكم..
سائلوني عن حبيبي ليه راح وما اعتذر
============= سائلوني عنك وابداً ماني لاقي لي جــواب
صرت امني خاطري في قولتي حكم القدر
============= حكمه القاسي رضيته صارت أيامي عـــــذاب
حتى وان طال الهجر مالي سوى اني انتظر
============= انا عايش في رجاك وحتى لو طال الغيــــاب
من رحلتي ياحياتي وعيشتي ضيم وقهر
============= من رحلتي وعمري كله صايرٍ كنه خــــــــراب
عايش بدنيا الهموم وساهر بليل السهر
============= غارقٍ في ذكرياتي مع اماني ما تـــــجـــاب
اتذكر وقتي اللي فاتني يااغلى البشر
============= كنت اسولف معك وقلبي كل هم فيه غــــاب
كان ضحكك يحتويني لاضحكتي بالسحر
============= واتحرى منك كلمة حتى لو كلمة عـــــتــــاب
ويوم قلتي لي احبك وقتها الخافي ظهر
============= قمت أضيع في كلامي وصار فيني اضطراب
واقتربتي ياغناتي والتصق فيني الشعر
============= والتصق خدك بخدي ليتنا دايم قـــــــــــــراب
وانتشابي ريح عطرك يوم من حولي انتشر
============= عطر بانفاسك غمرني وطاربي فوق السحاب
ثم سحرني فيك حسنك آه ياوجه القمر
============= ولو باوصف في جمالك ماكفاني لو كتـــاب
من اين ببدا من عيونك واللي فيها من سحر؟؟
============= يوم جاني سهم منها والله ان السهم صــــاب
واللي قلته يابعدهم شي في بالي خطر
============= لان جرحي لا ذكرتك التئم كــلــه وطــــــــاب
عاد وش حالي الامن صرتي قدام النظر
============= وشفت زينك باهرٍ ياسـت تلــعـات الرقـــــاب
والله اني لانسى ناسي وانسى كل اللي حضر
============= واتفرغ لجل اشوفك واهتني بك يــا ســراب
عبد العزيز بن عبد الله
|
|  |