اليوم جايب لكم قصائد لشاعر/منصور الرمالي الشمري رحمه الله
بأذن الله كل أسبوع أو ثلاث أيام شاعر وبعض قصائده الموضوع متجدد
الماس..



الناس ربي من ترابٍ خلقها
وإنت الذي من جوهر الماس مخلوق
الناس ساواها الولي ما فرقها
بس إنت عن كل البشر صايرٍ فوق
إنت البحر فيك البواخر غرقها
وإنت السحاب اللي به أمطار وبروق
وإنت الجحيم اللي حياتي حرقها
وإنت النعيم اللي يشدن له الشوق
ألطف بروحي لا تسبب زهقها
وإلطف بقلبٍ من عنا الود محروق
واسق الورود اللي تساقط ورقها
وإلحق على جسمٍ غدا جلد وعروق


---------------------------------------------------


محتار فيك ..
محتار فيك اليوم واحتـرت مبطـي
وش قصتك بالضبط حيرتنـي فيـك
تخطي تجيني تعتـذر ثـم تخطـي
وتزعل وترضى قبل اجيلك وراضيك
أطلبك ما تعطـي وتبغانـي أعطـي
وياما عطيتك بس ما عدي أعطيـك
وأحكي معك بإسلوب للصوت أوطي
وإنت بكلامك تزعج اللي حواليـك
لا شك رايح نكشف اللـي تغطـي
وافهم حقيقة حاضرك قبل ماضيـك
بقلبي سطيت ورايح بقلبك اسطـي
واخذ بثار جـروح قلبـي وخليـك


---------------------------------------------------



أنــــــــت الجمـــــال...!!!





انت القمر0والشمس0والارض0والكون
وانت السماء00وانت النجوم الرفيعـه
وانت0الذهب والماس غالي ومكنـون
يـادرة(ن) خسـران منهـو يبيـعـه
{وانت الجمال}اللي به القلـب مفتـون
وانـت الحلا00يانوركـل الطبيـعـه
وانت الامل فـي كـل دنيـاي يانـون
بعدك شقـى قلبي00وقربـك ربيعـه
عندي فلا مثلك مـع النـاس مزيـون
ياكوكب(ن)غطـى الكواكـب لميـعـه
منساك لا منسـاك وابليـس ملعـون
أرجع علي00فرقاك انا مـا استطيعـه
ولاجفاك لو تجفاء ولوخنـت ماخـون
وأدور وصلـك لـو تـدور القطيعـه


---------------------------------------------




لا تاخذ القلب


لا تاخذ القلـب رد القلـب يـا قلبـي
وشلون تبغي يعيش اللـي معـك قلبـه
كانك نويت الرحيل بقلبي ارحـل بـي
خذ صاحب القلب هو والقلب وارحل به
خل الوفا من طباعـك لا تمنـذل بـي
حدد حبيبك وحـدد مـن تمنـذل بـه
منك الجفا طال والولـوال طـول بـي
وقلبي عذابك توحـد بـه وطـول بـه
اليا متى وانت ضـدي موقفـك سلبـي
واليا متى وانت عقلـي نـاوي سلبـه
واليا متى الهم يقفي بـي ويقبـل بـي
ودنياي قفت وعيـا الحـظ يقبـل بـه
واليا متى وانت بالموعد تماطـل بـي
حرام منهو يبـي قربـك تماطـل بـه
يا ليتني ملـك تملكنـي وتبخـل بـي
ياللي تمر وصباح الخيـر تبخـل بـه
اقتلني افضـل ولا للحـب تقتـل بـي
ما اعيش انا بارض شفت الحب يقتل به
لا تقتل الحـب واقتلنـي ومثـل بـي
وقدام كـل البشرمنصـور مثـل بـه

-------------------------------------------------------





(( أمــرّ مــرّ ))


أمرّ مـر مـر فـي دنيتـي لـي
وأمر مر مـر لـي فـي حياتـي
ليا جاني العاني وأنا ما معي شـي
ودي تجينـي قبـل ياتـي وفاتـي
ان اعتذرته ظن ظـن الـردا فـي
وأنا الردا ماهو صفة من صفاتـي
اضحك وأهلّي به وأنا منكوي كـي
من خوفي التقصير فـي واجباتـي
ومن لا اشتهر بالجود صيته وو حي
ما طالع له صيت عقـب المماتـي




--------------------------------------------------------------------------------



يانجم


يانجم ياللى غبت من غبـت مابنـت
وشحال بيـن ايـام مجـدك وبينـك
الشمس تطلع وأسال الصبح وين انت
وتغيب شمس وأسـال الليـل وينـك
وين انت انا منهان منهـان لاهنـت
منهان من شخـص عجـز لايهينـك
ارجع متى ترجع انا انهنت واسجنت
واللى سجنى كـان قبلـى سجينـك
ارجع ورجع مجد ماضى كمـا كنـت
ورجع من المديـون لاهنـت دينـك
ياقاسى فى وجـه الاضـداد مالنـت
ومن صاحبك ينعـم بعطفـك ولينـك
حتى على خصمك من أحسانك أحسنت
وياما عطت من كـل غالـى يمينـك
بالسيف فى شبه الجزيره تسلطنـت
اخضعـت اهلهـا وملكنـه يديـنـك
مثلك ولـد والله فـلا جابتـه بنـت
لاشـك عيـن يمهلـنـك سنيـنـك
أقولها وينك وانـا ادل ويـن انـت
لاشك من زود القهـر قلـت وينـك
وياقصر ياللى بدلوا طينـك سمنـت
احذر تخون وتنكر اصحـاب طينـك
الله يخونك كان لأهل الوفـى خنـت
وأوفيـت للـى بالخفـى خاينيـنـك
ياقصر لاتسكن وان انضمت واسكنت
اخفس قهر واخفس معـك ساكنينـك
ياقصر مهمـا زينـوا فيـك مازنـت
زينك رحل وان عادلك عـاد زينـك







الشاعر/منصور الرمالي الشمري رحمه الله وأسكنه فسيح جناته